Fréttir



Skemmtilegur dagur

Það var skrautlegur og skemmtilegur hópur sem fór héðan frá tónlistarskólanum í árlega öskudagsgöngu nú fyrir stuttri stund. En hér í skólanum urðu eftir ýmsar "furðuverur" sem reyna að gera daginn skemmtilegan þó ekki komist þær í gönguna!... lesa meira


Öskudagur og vorfrí

Næsta vika verður stutt hjá okkur. Á miðvikudag er ÖSKUDAGUR og þá gefum við auðvitað FRÍ til að fara í öskudagsgönguna eftir hádegið, en þeir nemendur sem eiga tíma eftir það fá auðvitað tímana sína. Fimmtudag og föstudag 7. og 8. mars er svo VORFRÍ hjá okkur.... lesa meira


Tónleikavikan mikla

Framundan er mikil tónlieika- og tónfundavika. Allir kennarar skólans halda tónfundi með sínum nemendum þar sem foreldrum, systkinum og öðrum velunnurum er boðið að koma og hlusta á fallega og vel flutta tónlist. Í vikulokin, LAUGARDAGINN 2. MARS, fögnum við svo DEGI TÓNLISTARSKÓLANNA með hefðbundnum hætti, en þá höldum við tónleika í kirkjunni þar sem flutt eru flottustu tónlistaratriðinn sem skólinn á í dag.... lesa meira


Vorönnin verður fjörug

Hér á síðunni verður nú hægt að sjá það helsta sem verður á dagskrá hjá okkur í tónlistarskólanum nú á vorönn. Tónfundir, tónleikar, æfingabúðir - já og NÓTAN - er meðal þess sem þar má sjá. Eflaust finnst flestum gott að hafa þetta yfirlit á vísum stað... ... lesa meira




Gleðileg jól

Við óskum nemendum, kennurum, foreldrum, samstarfsfólki og öllum velunnurum skólans gleðilegra jóla og farsældar á nýja árinu. Við þökkum samstarfið á þessu ári sem senn er liðið, það hefur verið skemmtilegt, fullt af tónlistarsigrum og góðum samverustundum.... lesa meira


Myndir frá jólatónleikum

Nú höfum við lokið við 5 jólatónleika í sal skólans þar sem heimagerðu jólaskreytingarnar hafa notið sín og vakið mikla athygli og gleði. Hér á heimasíðunni má sjá nokkrar myndir sem teknar voru við þessi tækifæri, sumar sætar og aðrar súrar :-) Við minnum á hátíðartónleikana sem verða í kirkjunni miðvikudaginn 12. des. kl. 18:00!... lesa meira


Aðventan í tónlistarskólanum og nýtt fréttabréf

Undirbúningur fyrir jólatónleika og aðra viðburði aðventunnar er nú kominn á fullt. Við hvetjum ykkur til að fylgjast með fréttum af tónleikum og þátttöku okkar í viðburðum þessa skemmtilega tíma. Allt hefur sinn sjarma og gefur okkur byr í seglin þegar við fáum góða aðsókn að tónleikum og fáum að vera með í þeim dagskrám sem í boði eru í bænum. HÉR má lesa nýjasta FRÉTTABRÉFIÐ okkar sem greinir frá því helsta sem hefur verið á döfinni og verður á döfinni til jóla.... lesa meira





Söngstund fyrir alla - í sal skólans

Í tilefni af Norðurljósahátíðinni og 100 ára fullveldisafmæli Íslands bjóðum við ÖLLUM sem ánægju hafa af söng að hittast í sal tónlistarskólans og syngja saman á föstudaginn kl. 17:00. Sungin verða eingöngu íslensk sönglög við undirleik hljómsveitar hússins sem er samsett af starfsfólki skólans.... lesa meira


Svona hljómar Alpahorn

Í gær fengum við góða gesti í heimsókn, en þá kom hingað hljóðfæraleikari frá Sviss og lék fyrir okkur á Alpahorn. Einnig sýndi hann hljóðfærið sitt og hvernig því er pakkað saman t.d. fyrir flug. - Hægt er að sjá fleiri myndir í myndaalbúminu.... lesa meira


Alpahorn - hvað er það?

Á morgun, fimmtudaginn 11. október, fáum við í heimsókn mann frá Sviss sem ætlar að kynna fyrir okkur einstakt hljóðfæri sem heitir Alpahorn. Kynningin verður í grunnskólanum kl. 13:00 og þeir nemendur sem eiga spilatíma í tónlistarskólanum fá frí til að sjá og heyra.... lesa meira


Fyrsta æfing Víkingasveitarinnar

Í gærkvöldi hittist Víkingasveitin í fyrsta sinn á þessu ári. Þar var blanda af núverandi og fyrrverandi nemendum og góð stemming. Sveitin æfir til að byrja með á miðvikudögum kl. 20 - 21. Allir sem kunna á lúðrasveitarhljóðfæri eru velkomnir. Okkur vantar sérstaklega klarinett, tenor-saxofón, bariton-horn og túbu.... lesa meira



Listaháskólinn í heimsókn

Nemendur úr Listaháskólanum koma til okkar í sína árlegu heimsókn í næstu viku og verða hér við listsköpun og tónlistaræfingar. Heimsókninni lýkur með opnum tónleikum í sal skólans fimmtudaginn 27. sept. kl. 19:30. Nemendum tónlistarskólans er boðið að vera með í hópstarfi þriðjudag, miðvikudag og fimmtudag kl. 16:30... lesa meira



Söngsalur nemenda

Í vetur verður starfræktur opinn söngtími, sem við höfum kallað Söngsal. Öllum nemendum skólans, frá 3.bekk, stendur til boða að taka þátt. Mikilvægt er að skrá þátttöku þeirra sem vilja vera með svo hægt sé að gera góðar áætlanir um verkefni. ... lesa meira



Gleymska eða...

Nú er verið að ganga frá þeim umsóknum sem borist hafa tónlistarskólanum fyrir næsta skólaár. Nokkur nöfn eru á listanum frá í fyrra sem ekki hafa sótt um nú og á því kunna að vera nokkrar skýringar t.d. sú að viðkomandi óski ekki eftir áframhaldandi hljóðfæranámi.... lesa meira




Vortónleikar 2018

Nú er öllum prófum að ljúka og búið að raða nemendum skólans á vortónleika. Við verðum með ferna tónleika í sal skólans og auðvitað verða svo nokkur tónlistaratriði á skólaslitunum sem verða í kirkjunni. Eins og alltaf eru allir hjartanlega velkomnir á þessa viðburði.... lesa meira



VORFRÍ

Dagana 18.-22. apríl er VORFRÍ í tónlistarskólanum (eins og í grunn- og leikskólanum). Við höldum áfram eftir næstu helgi að undirbúa próf og tónleika, enda styttist í skólalok þetta árið. Skólastjóri... lesa meira








Hátíðartónleikar og svo jólafrí

Eftir mjög annasaman desember, þar sem spilað hefur verið og sungið við mörg tækifæri, eigum við aðeins eftir að halda hina hefðbundnu hátíðartónleika áður en við förum í jólafrí. Þeir verða í kirkjunni fimmtudaginn 14. desember kl. 18:00. Þangað eru allir velkomnir og ókeypis aðgangur.... lesa meira



Nýtt fréttabréf

Nú höfum við gefið út nýtt FRÉTTABRÉF þar sem fram koma nýjustu fréttir og tilkynningar. Einnig má lesa yfirlit yfir helstu viðburði þar sem nemendur skólans koma við sögu. HÉR er hægt að lesa fréttabréfið.... lesa meira





Haustfrí

Mánudaginn 16. október taka nemendur og kennarar sér frí - HAUSTFRÍ - frá skólastarfi. Þessi frídagur er á sama tíma og grunnskólinn og leikskólinn taka haustfrí. Ég vona að allir njóti dagsins og komi svo hressir til starfa strax á þriðjudag. Skólastjóri... lesa meira