Próf

Stigspróf og áfangapróf

Nemendur geta tekið stigspróf og áfangapróf eftir því sem náminu fer fram. Áfangaprófin (grunnpróf, miðpróf og framhaldspróf) eru samræmd á landsvísu og fara fram á vegum Prófanefndar tónlistarskólanna. Þess á milli bjóða sumir kennarar upp á „heimapróf“ (stigspróf) til að undirbúa næsta áfangapróf.

Yfirleitt eru prófin tekin í þessari röð: 1. stig, 2. stig, grunnpróf (3. stig), 4. stig, miðpróf (5. stig), 6. stig og framhaldspróf (7.stig). Tíminn á milli prófa er mislangur, fer algerlega eftir framförum í námi.

Tónfræðapróf eru yfirleitt tekin „heima“, nema miðpróf sem er samræmt á landsvísu og tekið á vegum Prófanefndar tónlistarskólanna.

Stigspróf og áfangapróf má taka hvenær sem er á starfsárinu, þ.e. þegar kennarinn telur nemandann tilbúinn. Þau eru þó yfirleitt tekin á vorin eða í lok haustannar.

Vorpróf - árseinkunnir

Á vorin taka allir nemendur vorpróf á hljóðfærin sín. Einnig eru nemendum gefnar árseinkunnir. Þeir nemendur sem hafa tekið stigspróf eða áfangapróf að vori taka ekki vorpróf, en fá árseinkunn kennara eins og aðrir.